सुर्खेत, ६ वैशाख ।
स्वास्थ्य तथा वातावरण पत्रकार समुह (हेज) सुर्खेतको तदर्थ समिति गठन गरिएको छ । सोमबार वीरेन्द्रनगरमा भएको पत्रकारहरुको भेलाले लोकमञ्च दैनिकका सम्पादक श्रीधर पौड्यालको अध्यक्षतामा समिति गठन गरिएको हो ।
जसको उपाध्यक्षमा लोकमञ्च दैनिकका कमल न्यौपाने, महासचिवमा काँक्रेविहार दैनिकका कार्यकारी सम्पादक ईश्वरराज अधिकारी, सचिवमा बुलबुले एफएमका समाचार प्रमुख कृष्ण आचार्य र कोषाध्यक्षमा साझाविसौनी दैनिकका गीता थापा चयन भएका छन् ।
यसैगरी, सदस्यहरुमा सुर्खेत पहिचान दैनिकका मुना हमाल, हाम्रो अखबार दैनिकका जानकी शाही, जागरण एफएमका सहायक स्टेशन मेनेजर दिपेन्द्र वली र सुक्ष्मदृष्टि साप्ताहिकका प्रकाशक खगेन्द्र अधिकारी चयन भएका छन् ।
जिल्ला जन स्वास्थ्य कार्यालयका सुचना अधिकारी बसन्तमान श्रेष्ठको अध्यक्षता तथा जन स्वास्थ्य कार्यालयका निमित्त प्रमुख लोकबहादुर शाहीको आतिथ्यतामा समिति गठन गरिएको हो ।
0 comments:
Post a Comment